SOCAR Midstream Gas Operations MMC 2025-ci ilin aprel ayında Azərbaycan Respublikasının Dövlət Neft Şirkətinin (SOCAR) filialı kimi təsis edilmişdir. Şirkətimiz, 2015-ci ilin birinci rübündən fəaliyyət göstərən SOCAR Midstream Operations MMC-nin hüquqi varisi və əsası üzərində qurulmuşdur.

SOCAR Midstream Gas Operations qaz nəqli, qaz anbarlaşdırılması və əlaqəli infrastrukturlar sahəsində əvvəlki şirkətin bütün hüquq və öhdəliklərini üzərinə götürür. Bizə geniş spektrdə məsuliyyətlər tapşırılmışdır, o cümlədən: Azərbaycan Respublikasının strateji səhmdar hüquqlarını təmsil etmək, daxili və beynəlxalq qaz ixrac boru kəmərləri və obyektlərində əməliyyat funksiyalarını və maraqları idarə etmək, qaz layihələrinin idarə olunmasını vahid və səmərəli şəkildə təşkil etmək.

SOCAR Midstream Gas Operations bu məsuliyyətləri orta mərhələli sektor üzrə beynəlxalq təcrübə və ən yaxşı təcrübələrdən istifadə etməklə həyata keçirir.

Əsas funksiyalar və fəaliyyətlər:

• Cənubi Qafqaz Boru Kəməri (SCP) üçün Kommersiya Operatoru (2015-ci ildən) və Texniki Operator (2021-ci ildən) funksiyalarını yerinə yetirir. SCP South Caucasus Pipeline Company Limited (SCPC) tərəfindən idarə olunur;

• Trans-Anadolu Təbii Qaz Boru Kəməri (TANAP) və Trans-Adriatik Boru Kəməri (TAP) layihələrində səhmdar təmsilçiliyini təmin edir. 

• Iğdır-Naxçıvan Qaz Kəməri Layihəsi üzrə Ətraflı Mühəndislik Dizaynı və Tikinti Mərhələsini icra edib.

• Naxçıvan İstilik Elektrik Stansiyası Layihəsi üzrə Ləyihə İdarəetməsini həyata keçirir.

• Strateji əhəmiyyətli məsələlərin həlli və koordinasiyasında əsas rol oynayır; qısa, orta və uzunmüddətli məqsədləri müəyyən edən ixrac strategiyasını hazırlayır və bu strategiyadan irəli gələn fəaliyyətləri həyata keçirir və koordinasiya edir.

SOCAR Midstream Gas Operations Gürcüstanda Gürcüstan Filialı vasitəsilə strateji mövqeyini qoruyur. Bu filial regional əməliyyatlarda mühüm rol oynayır və SCP sisteminin - regionun əsas qaz tranzit koridorlarından birinin – ayrılmaz hissəsidir.

Gürcüstan Filialı ölkə üzrə SCP obyektlərinin təhlükəsiz və etibarlı gündəlik əməliyyatına cavabdehdir. Əsas funksiyalara əməliyyat planlaşdırması, texniki xidmət və bütövlük idarəçiliyi, yerli qanun və tənzimləyici tələblərə uyğunluq, maraqlı tərəflər və icmalarla əlaqələr, qaz nəqli üçün zəruri dəstək xidmətlərinin təmin edilməsi daxildir. Filialın vəzifəsinə Xəzər regionundan regional və Avropa bazarlarına təbii qazın fasiləsiz tranzitini təmin etmək, eyni zamanda təhlükəsizlik, ətraf mühitin qorunması və əməliyyat mükəmməlliyi üzrə ən yüksək standartların qorunması daxildir.